2 مانگ لەمەوبەر لە لایەن ئەدمین
جیهاد لە سێبەری قورئان و سوننەتدا
ئەم كتێبە (جیهاد لە سێبەری قورئان و سوننەتدا) ڕاڤەیەكی زانستییە بۆ چەمكی جیهاد لەژێر ڕۆشنایی قورئان و فەرموودەدا، كە تیایدا نووسەر لەسەر چۆنیەتی بەكارهێنانی هێز و ئامڕازەكانی بڵاوكردنەوەی ئیسلام دەدوێت و خوێنەریش لەوە تێدەگەیەنێت كە ئایا بڵاو كردنەوەی ئیسلام بەهۆی شمشێرەوە بووە یاخود شتی تر.
لە دەستپێكی لێكۆڵینەوەكەیدا، وشەی (هێز – القوة) دەناسێنێت، سەرەتا لەڕووی زمانەوانییەوە، پاشان ئەو وشەیە و داتاشراوەكانی لە قورئانی پیرۆزدا نیشان دەدات. دواتر جۆرەكانی هێز و پێكهێنەرەكانی لە چەند بابەتێكدا كورت دەكاتەوە و گرنگیدانی ئیسلام بەم هێزانە ڕوون دەكاتەوە و ڕای نووسەرانی ڕۆژئاوایی لەسەر هێزی گەلانی ئیسلامی دەكاتە نمونەی قسەكانی.
لە بەشی دواتری كتێبەكەیدا، وشەی (تێكۆشان – جیهاد) لەڕووی زمانەوانی و لەناو ئایەتە قورئانییەكاندا دەناسێنێت. دواتریش جۆرەكانی جیهاد و پلەكانیان دەژمێرێت. هەروەها حوكمی جیهاد بەپێی ڕای زانایان بۆ هەریەكە لە جیهادی بەرگری و جیهادی داخوازی نیشان دەدات.
نووسەر لە كۆتا بەشی كتێبەكەیدا، هەندێ بابەتی پەیوەندیدار بە جیهادەوە دەخاتە بەر تیشك، وەك مۆڵەت وەرگرتن لەدایك و باوك، یان قەرزدار و جیهاد. هەروەها مەرجەكانی جیهاد و شێوە جیاوازەكانی لەم سەردەمەدا دەستنیشان دەكات.
وردەكاریی سەرەكی لەبارەی كتێبەكەوە، ئەمانە دەگرێتەوە:
- زمانی بنەڕەتی: عەرەبی
- نووسین: عەلی محێدین قەرەداغی
- وەرگێڕدراوەتە سەر زمانی كوردی لەلایەن جەمال عومەر سیامێوەیی
- ژمارەی لاپەڕە: 148
- ساڵی بڵاوبوونەوە: 2017
بۆ خوێندنەوەی كتێبەكە، كرتە لێرە بكە
کۆمێنتێک بەجێبهێڵە
دیارترین پۆلەکان
- هەواڵەکان 121
- کتێب و توێژینەوەکان 22
- فەتواکان 16
- بەرهەمەکان 13
- وتارەکان 13
- بەیاننامە 11
- لە ستاییشی پ.د. عەلی قەرەداغیدا 5
پۆستەکانی ئەم دواییە
پ.د. عەلی قەرەداغی بە بانگهێشتانەمەیەكی فەرمی، سەردانی مالیزیای كرد
19 کاتژمێر لەمەوبەر
پ.د. عەلی قەرەداغی بەشداری كرد لە ئاهەنگی ڕێزلێنانی ئەو بەهرەدارانەی ساڵانێك بوو پاڵپشتی كردبوون
8 ڕۆژ لەمەوبەر
سەرنجەکان