5 مانگ لەمەوبەر لە لایەن ئەدمین

مامۆستا سەلاحەدین موحەممەد بەهائەدین پیرۆزبایی پۆستی نوێ لە پ.د. عەلی قەرداغی دەكات

بەڕێز مامۆستا سەلاحەدین موحەممەد بەهائەدین

ئەمینداری گشتی یەکگرتووی ئیسلامی کوردستان

لە پەیامێکی پیرۆزباییدا, لە پلاتفۆرمی ( X ) , پیرۆزبایی لە جەنابی (پ.د. عەلی قەرەداغی) دەکات.

‏دەقی پرۆزباییەكە:

جەنابی پ.د.شێخ عەلی قەرەداغی .

السلام علیکم ورحمەاللە.. هەڵبژاردنتان لەکۆنگرەی گشتی شەشهەمی یەکیەتی جیهانی زانایانی موسڵمان ، بەو ئاستە بەرزە لەمتمانەو جۆش و خرۆشی کۆنگرە، بۆ سەرۆکایەتی ئەو دەزگا جیهانییە، جێگای شانازیی ئێمەو هەموو گەلی کوردو هەموو موسڵمانانە ، خودا لێت پیرۆز بکات و پشتیوانت بێت لەو ئەرکە باڵا هەستیارەدا.. بە ڕاستی بەدەستهێنانی ئەو متمانەیە لەلایەن نوێنەری زانایانی زیاتر لە 90 وڵاتی جیهان ، لەناو ئەو هەموو زانایانەی شەریعەت و شارەزایانی زانست وپلەباڵای ئەکادیمی ، نیشانەی ئاستی باڵای شایستەیی جەنابتانەو مایەی دڵخۆشی و سەربڵندی کوردان و گشت کوردستانیانی جیهان و ڕابوونی ئیسلامییە، کە ڕۆڵەیەکیان ئەبێتە سەرۆکی زانایانی موسڵمانی جیهان !!

هەردەم سەرکەوتوو بیت لە ڕابەرایەتی کاروانی هیدایەت و بانگخوازی و ئیسڵاح وئاشتیدا ، بەردەوام سەروەری بۆ گەل ونیشتمانەکەت تۆمار بکەیت ..

ئێمەش وەک هاوکارو کاروانیانی یەکگرتوو هەقمانە ،وێڕای پیرۆزبایی لەجەنابتان ،سوپاسی خوا بکەین ،لەسەر ئەم ڕێزو فەخرەی خەڵاتی کردوین ..

صلاح الدين محمد بهاءالدين